ADEUS KOLEGA

ADEUS KOLEGA

 Minutu ho tempu mai dadauk ona
ba ainfatin atu hakat nebe haketak
lao ho memoria servisu nebe kapas
to iha menutu atu haketak malu

Wainhira mahoben sei habokon aitahan
wainhira ita lut mutuk iha bote Dereitu Umanus
so deit bele hanoin ba oin, oinsa luta ba ema-nia dereitus

Maske ho matan be’e turuk
iha ne’e iha fatin nebe agora ita lu't mutuk
hakerek memoria Dereitu Umanus nebe lalakon
hodi fuan nebe dedika no servi ba mukit

Ho aiknanoik laek ida ne’e
fui arte iha surat tahan nebe lafolin
iha puizia hau koko husu ba ahimatan mundu ne’e
hau atu ba nebe?
Ahi matan mundu ne’e hatan ho nonok....


Hau koko para hakerek maibe liman lakohi para
book a'an hanesan atu dansa

hakerek buat ida, hakerek hanesan mota oan
iha tempu no oras nebe lao nafatin
se bele sai nafatin aiknanoik ba hau

Memoria ita nian lao liu no atu lakon

Iha tempu nebe hau hases imi

iha mos tempu husik hela imi iha ne’e ita fatin,
iha ne’e ita nia fahe malu sei akontese
fahe malu laos ikus iha ita nia moris
fahe malu dahuluk iha ita nia fahe malu

Kolega sira….haksimuk no simu ba wainhira o loron hit nia a'an
karik ita sei soru malu fali
soru malu iha tempu, situasaun lahanesan
soru malu iha fatin, no iha rai ne’e, rai nebe hanesan

Adeus kolega, belun, Amigo, amiga sira… Adeus familia, Visinu sira…..
hakruk nu tukur tur ba imi ain,

karik hau salaruma hasoru imi.